Dadweynaha ku dhaqan magaalada Garoowe ee Xarunta Maamul-goboleedka Puntland ee Soomaaliya, ayaa ka horyimi Madaxweynaha Maamulkaas Cabdiweli Maxamed Cali Gaas, halka ay ka taageereen Hadalka Madaxweyne Ku-xigeenka Puntland Cabdixakiin Xaaji Cumar Camay ku duray go’aanka ay Dawlad-goboleedyada Soomaaliya oo Madaxweynihiisu ku jiraa ku sheegeen inay xidhiidhka ugu jareen Dawladda Federaalka Soomaaliya ee ay ka soo saareen Shirkoodii Kismaanyo ugu soo xidhmay Sabtidii shalay.

Madaxweyne Ku-xigeenka Puntland Mudane Camay waxa uu sheegay inaanay Madaxweyne Gaas isku ogeyn go’aanka uu la qaatay Maamul-goboleedyada Soomaaliya ee dawladda Xidhiidhka loogu jarayo, isla markaana uu qalad iyo sharci-darro u arko go’aankaas. Haddaba, Dadweynaha Reer Puntland ee Garoowe ku dhaqan qaar ka tirsan oo Warbaahintu wax ka weydiisay aragtidooda, ayaa taageeray aragtida Madaxweyne Ku-xigeenka, sidoo kalena duray aragtida Madaxweyne Gaas.

Dadweynaha kala duwan ee Reer Garoowe ee aragtidooda ka dhiibtay Khilaafka hadda la dareemayo inuu ka dhex Curtay Madaxweynaha iyo Madaxweyne Ku-xigeenka Maamulka Puntland, waxaannu idiinku soo gudbinaynaa Muuqaalkan hoose ee Daawasho wacan oo wanaagsan:-

https://youtu.be/GTwWyn14FTU

https://youtu.be/FWeCaPWffvY

Berberatoday.com