|
|
Hargeysa(Berberatoday.com)-Ciidamada amaanka ayaa xabsiga dhigay guoomiyihii cuqaasha gobolka maroodijeex caaqil Halac Colaad Jaamac Iyo Suldaan Siciid Cabdi Jaamac(Hadhiye) oo la damacsan yahay in dhawaan la caleemo saaro.
Madax dhaqameedkan oo ciidamada amaanku ka qabteen xaafada Siinay ee magaalada Hargeysa ayaa lagu xidhay saldhiga Daloodho, kuwaas ilaa haatan ku xidhan.
Warar ay heshay warbaahintu ayaa sheegaya in xadhiga labadan masuul ee madax dhaqameedka ah ay ka dambeeyaan siyaasiyiin kasoo jeeda Beesha Suldaanka La Doonayo In La Caleema saaro kuwaas oo ka soo horjeeda suldaan-nimada loo caleemo saarayo Siciid Cabdi Jaamac (Hadhiye).
Ilaa hada war rasmi ah kamuu soo bixin ciidamada amaanka, kaas oo ku saabsan sababta loo xidhay labadan masuul ee madax dhaqameedka ah, kuwaas oo haatan ku xidhan saldhiga daloodho ee magaalada Hargeysa.
Berberatoday.com