|
|
Madrid(Berberatoday.com)-Laba askari ayaa dhaawac xoogani kasoo gaadhay kadib markii ay koox tahriibeyaal ahi isku dayeen in ay ka baxsadaan jeel ku yaala wadanka Spain , gaar ahaana magaaladda Madrid ee caasimadda dalkaasi .
Tahriibeyaashan isku dayey in ay baxsadaan ayaa tiro ahaan gaadhaayey ilaa 80 muhaajir , kuwaas oo dhawaan gaadhey dalkaasi, sida ay shegtay warbaahinta maxaliga ah ee dalka Spain
Waxa sidoo kale jira ilaa 9 askari oo dhaawacyo fududi soo gaadheen, kuwaas oo iyagu shaqadooda dib u galay,mana aha markii ugu horeysay ee ay jeelkan isku dayaan in ay ka baxsadaan Tahriibeyaasha ku xidhani, iyada oo ay ciidamadu dhawr jeer oo hore fashiliyeen isku dayo kan lamid ah.
Xaruntan Aluushi oo ah goob baadhitaan waxa hadda ku xidhan ilaa 170 qof oo tahriibeyaal sharci daro ku galay dalkaasi Spain ah , kuwaas oo la filaayo in lagu celiyo dalalkii ay ka yimaadeen.
Berberatoday.com