|
|
Nairobi(Berberatoday.com)-Dalka Maraykan ayaa abaal-marin gudoonsisay gabadh Somaliyeed oo ku sugan degaanka Gaarisa ee Dalka Kenya abaalmarintan oo ay ku mutaysatay doorka wacyigalineed ee la dagalanka Argagaxisada,
Caasha Xassan oo Da,deedu Tahay 24 ayaa waxay heshay abaal marinta loo yaqaano Hoggaamiyeyaasha Da’da Yar ee Soo Baxaya 2016 asbuucii tagay taasoo ay siisay Wasaarada Arimaha Dibada ee Mareykanka, Caasimada Mareykanka ee Washington DC.
Caasha waxay ka mid ahayd toban qof oo dhallin yaro ah oo laga soo xushay daafaha caalamka oo idil oo ku guuleystay abaal marintaa.
Caasha ayaa sidoo kale horkacda koox dhallinyaro ah oo ka shaqeysa wadahadalka iyo nabadeynta. Caasha ayaa sheegtay in kadib markii ay garawsatay
khaladaadka kooxda Alshabaab ay go’aansatay in ay wacyigalin ka dhan ah argagixisonimada abuurto.
Berberatoday.com