|
|
Hargeysa(Berberatoday.com)-Guddoomiyaha Guddida Deeganka iyo Khayraadka ee Golaha Wakiilada Xildhibaan Siciid Warsame Ismaaciil (Gaane), ayaa ka hadlay xaalada siyaasadeed ee mandaqada,doorka ay Somaliland kaga jirto iyo dhex-dhexaadinta Xisbiyada.
Guddoomiyaha Guddida Deeganka iyo Khayraadka ee Golaha Wakiilada Xildhibaan Siciid Warsame Ismaaciil (Gaane), oo u waramay Wargeyska Geeska Afrika ayaa yidhi “Ilaa hadda talaabo fiican ayaa la qaaday, laakiin Siyaasadaha jirta, xaalada uu Gobolku marayo, iyo waxaynu isku haysaana aad bay u kala fog yihiin, waxaa la isku haysto wax ka weyn bay umaddu u baahnayd, ee marka hore ALLE ha inoo sahlo, runtii heerka aynu marayno iyo is bedelka ka socda Mandaqada waa kaaf iyo kala dheeri,ee Madaxweyne waxaa lagaga baahan yahay Siyaasada hufan, oo Xeel dheer, Madaxweyne waxaa lagaga baahan yahay inaad dib ugu noqoto Siyaasadii UDUB,ee dhinaca Siyaasada Arrimaha Guddaha iyo Arrimaha Dibaddaba, Madaxweyne waxaa lagaaga baahan yahay inaad umadda ka saarto go’doonka siyaasadeed ee Xukuumaddii Axmed Siillaanyo dhaxalsiisay, Madaxweyne waxaa lagaaga fadhiyaa in wax walba oo qarabin dib u saxdo, inaad dadkaaga u dhego nuglaato,una cadaalada sameeyso”.
Xildhibaan Siciid Gaane mar uu ka hadlaayey Xisbiyada ayaa yidhi “In Xisbiyada laftooda lala xisaabto waa muhiim, Xisbiyadu dadka may iibsan, oo in Saddex Xisbi oo qudhi ina hor taagnadaana, macquul noqon mayso,suurtagalna maaha in ururadana la diido, Xisbiyaduna cid gaar ah kooto ugu xidhnadaan, Masuuliyiinta Xisbiyadu dadka may iibsan, cidna kooto kuma haystaan, ee waa inay Xisbiyada dhexdooda ka dhigaan Dimuqraadi, oo Muwaadiniinta kala ee Xisbigooda ka tirsan, aanay ka xigtaysan Xisbiga, oo markoodana fursad siiyaan”
Sources Geeska Wargeyska Afrika