|
|
Itlay(Berberatoday.com)-Maamulka Magaalada Sambuca de Cecilia ee Dalka Italy ayaa waxa ay shaaciyeen in ay qaadeen Olol’e aan caadi ahayn oo lagu Iibinayo guryaha magaaladaasi qiimahaasi oo ah in Hal Euro oo kaliya Guri la siisan karo .
Sida lagu baahiyay wakaaladda wararka ee CNN Oo Wargeyska Himilo ka soo xigtay ujeeddada maamulka magaaladaasi ka leeyahay arrintani ayaa waxa ay tahay sidii ay magaaladaasi u soo degi lahaayeen dad cusub, maaddaama oo dadka magaaladaasi ku nool ay aad u tira yar yihiin .
Maamulka magaaladaasi ayaa waxa ay soo bandhigeen tobanaan guri, kuwaasi oo ah dhismayaal taariikhi ah.
Dadka iibsanaya guryahaasi ayaa waxa uu maamulka ku amray in ay ku dhistaan muddo saddex sano ah isla-markaana lacagta ay ku dhisayaan aanu qiimaheedu ka yaraan 15 kun oo Euro, sidoo kalena waxa ay dadkaasi bixinayaan 5 kun oo Euro oo Carbuun ah oo loo soo celin doono marka ay dhismaha dhamaystiraan .
Maamulka magaaladaasi ayaa ku guulaystay in qaar ka mid ah guryahaasi ay iibiyaan waxaana sidoo kale soo gaadhay codsiyo kale.
Berberatoday.com