|
|
Hargeysa(Berberatoday.com)-Xukuumada somaliland ayaa shaacisay in macaluul baahsani ay soo foodsaartay dadka shacabka ah ee ku nool lixda gobol ee waa weyn.
Gudoomiyaha hay’adda ka hortaga aafooyinka dabiiciga ah iyo kaydka raashinka qaranka Faysal Cali Sheekh ayaa soo bandhigay tirada dadka reer somaliland ee qarka u saaran inay soo foodsaarto macaluul.
Baaqa xukuumada somaliland ayaa daaha ka faydaya inuu fashilmay qorshihii ay hore u dhigtay ee la xidhiidhay in marka wasaarada beeruhu ay waxsoosaar samayso isku filaansho laga gaadho dhinaca cuntada.
Sidoo kale dalagii kala duwanaa ee ay beerta wasaarada uu hormoodka u yahay Axmed Muumin Seed taas oo hore u qorshaysay in waxsoo saarka ay samayso sanadka ugu horeeyaa uu horseedo in la bilaabo qorshihii uu wadanku isku filaansho kaga gaadhi lahaa dhinaca cuntada, balse waxa hada muuqata inuu fashil yahay qorshahaas, maadaama oo ay xukuumadu haatan ku dhawaaqday in dad kor u dhaafaya hal milyan iyo badh ay halis ugu jiraan cunto yaraan iyo biyo la,aan.
Halkan Hoose Ka Daawo Muuqaalka Warkan
Berberatoday.com