|
|
Hargeysa(Berberatoday.com)-Abwaan Axmed Saleebaan Bidde oo ka mid ah Abwaanadda Soomaaliyeed ayaa ka sheekeeyey qisadda ay ku timi heesta Onkod ee uu ku luuqeeyo Fannaanka Cabditahliil Warsame. Islamarkaanna wuxuu sheegay in qisadda heestu ka dhalatay gabadh uu jeclaa oo calafka iyo nasiibku waydaariyeen.
Abwaanku wuxuu sheegay in heesta onkod ahayd hees calaacal ah oo laxanka iyo luuqdanna uu ku daray Fanaan Cabditahliil Warsame.
Abwaanka oo ka sheekaynaya qisadda heesta onkod ku timi wuxuu yidhi “Heesta Onkod waxay ahayd hees jacayl ah oo waxa layga guursadday Gabadh aan jeclaa oo calafka ilaahaybaa wax is-dhaafiyaa iyo nasiibka.Marka duulimaad baan ahaa oo waan iska calaacalayay oo nin-baa taagtii ha talaabsaddo. Heesta waxa luuqda iyo laxaanka saaray Cabdi-tahliil Warsame.”Ayuu yidhi Axmed Saleebaan Bidde
Hadaba halkan ka dheeho heesta oo dhammaystiran
Onkod roobku madaayo
aarna taaha madaayo
anna taa ma ilaawoo
jacayl ood rogan maayo
oon hilaac bi in maayo
ayro weerar madaayo
ninlihi aamusi maaayo
ergo geesi madiidoo
ilaah tiisu ma oosho
calaf la iska ma ooto
ubax dayr ma qarsoomo
godka lay iskuma aayo
ifka la isu tudhaayee
iilka la isma gar gargaroo
aboor la iskama baajee
nabsi hayga amaahan
axdigii ina dhex yiiliyo
ha iloobin aqoontee.
Asaagay usha toosan
iyo ooda hagaagsan
hayiinkii asabaadee
madigii afar deeqa
inantiina ilwaadsan
ee asluubi u dheer tahay
sidaan u asteysto
kuu eegana yaaye
hadaan aamin idhaahdo
waa aqoonta haweene
oo rag iiga danbeeyo
halka ay ka cawayso
uur ku taalada maada
arimidiisa jacaylka
anigu soo dhaxli maayo
nabsi hay iga amaahan
axdigii ina dhex yiiliyo
ha iloobin aqoontee.
Sida oogta hilaaca
ileyskeeda cadceeda
amaantaada libaaxa
malaa waanad ogeyne
ayaan uurkiyo maanka
wadnahayga agtiisa
sida aayad ku taalaa
uumiyaha u tusaayee
haadii aanu ibleysku
iga kaa anbineynin
inaad ii tudhi weydo
eegi maayo koley
arin kuuma hambeynee
araartii haku deeqdo
sina hayga adkeysan
nabsi hayga amaahan
axdigii ina dhexyiiliyo
ha iloobin aqoontee