Borama(Berberatoday.com)-Iyadoo mudooyinkii u danbeeyay laga dhursugayay dhismaha iyo furitaanka garoonka diyaaradaha ee magaalada Boorama ee Aadan Isaaq, ayaa waxaa maanta dib u habayn balaadhan ka bilaabay garoonkaasi masuuliyiinta dawlada hoose ee degmada Boorama oo uu horkacayo Maayirka gobolka Awdal, Badhasaabka, Xilddhibaano iyo masuuliyiin kale.

Dhinaca kale maamulka gobolka Awdal iyo Masuuliyiintii ka soo qayb galay dib u habaynta lagu samaynayay garoonka magaalada Boorama, ayaa ugu baaqay qurba joogta, shacabka Boorama, Hay”addaha kala duwan in laga qayb qaato dhismaha garoonkaasi, waxaanay bulshada ugu bushaareeyeen in duulimaadyadii garoonkaasi ka bilaabmi doonaan todobaadyada soo socda.