|
|
Garowe(Berberatoday.com)-Masuuliyiinta Maamul Goboleedka Somaliyeed ee Puntland ayaa saddex baabuur oo ah nooca looyaqaanno Layla-calaawi guddoonsiiyey Guddoomiyaha Gobolka Badhan iyo Taliyaashii ciidamada ee Sanaag, kuwaas oo saddex dooduba Somaliland kasoo goostay una galay Maamulka Putland.
Cali Xuseen Maxamed(Cali Somali) oo ahaa guddoomiyaha Badhan ee Somaliland ayaa markii uu soo goostay waxay Puntland u magacoowday isla guddoomiyaha Gobolka Badhan oo iyagu uyaqaaniin Sanaag.
Balse Taliyaasha Xuseen Dheere iyo Xayle Xaaji oo ahaa taliyaashii ciidamada millateriga Somaliland ee guutooyinka 93aad iyo 116aad ee Sanaag ayaan weli jagooyin loo magacaabin hase yeeshee waxa la siiyay Baabuur ay ku tamashleeyaan waxoogaa kharashaadana waa loo qoray iyaga oo lagu wargaliyay in xilal ciidan loo magacaabi doono.
Guddoomiyaha golaha wakiillada Puntland Cabdixakiin Dhoobo-daareed iyo xikdhibaanno kale ayaa guddoomiyaha iyo saraakiisha guddoonsiiyey hadiyaddan ay Puntland ugu talo gashay gudoonsiiyay.
Berberatoday.com