|
|
Athens(Berberatoday.com)-Baarlamaanka Giriiga ayaa xalay ansixiyey qorshaha cusub oo ay dowlada ku kordhineyso canshuurta laga qaado dadka shaqeeya isla markaana hoos loogu dhigayo miisaaniyadii lagu kabi jiray dadka shaqada ka fariistay.
Sharcigan cusub ayaa ah mid ay dowlada dooneyso inay miisaaniyadeeda ku kabto, talaabadan ayaa dhinaca kale qeyb ka ah shuruudihii Midowga Yurub ku xidhay dowlada Giriiga oo dooneysa in markale lasiiyo lacago deyn ah.
Dalalka Midowga Yurub ayaa maanta oo Isniin ah kulan ay ku yeelan doonaan magaalada Brussels uga hadli doona qorshaha lagu taageerayo dowlada Giriiga oo ay dhaqaale xumo heyso.
Balse talaabooyinka ay dowlada Giriiga qaaday ayaa waxaa si weyn uga horyimid shacabka dalkaasi oo shalay iyo xalay banaanbaxyo ka dhigay nawaaxiga xarunta Baarlamaanka ee magaalada Caasimada ah ee Athens
Dhamaan ururada iskaashatooyinka ee dalkaasi Giriiga oo ka horyimid sare u qaadida canshuurta oo sheegeen inay dhaawici doonto dadka dabaqada dhexe iyo dabaqada hoose oo aan hada soo gelin dhaqaalo ku filan.
Berberatoday.net