|
|
London(Berberatoday.com)-Arsenal ayaa ugu dambeyntii ku soo laabatay wadada guusha, kaddib markii ay kaga adkaatay West Ham United 1-3, ciyaar ka tirsaneyd kulamada 16-aad ee horyaalka Premier League.
Qeybta hore ee ciyaarta ayaa lagu kala maray 1-0 ay ku hoggaamineysay kooxda martida loo ahaa ee West Ham United.
daqiiqadii 38-aad West Ham United ayaa hoggaanka u qabatay ciyaarta waxaana 1-0 ka dhigay Angelo Ogbonna, waxaana goolkan ka caawiyay saaxiibkiis Pablo Fornals.
Qeybta labaad marka dib leysugu soo laabtay labada dhinac ayaa waxay sameeyeen qaab ciyaareed aad u fiican, iyagoo abuuray fursado badan ee goolal loo filan karay.
Daqiiqadii 60-aad kooxda Arsenal ayaa heshay goolka barbaraha, waxaan ciyaarta 1-1 ka dhigay Gabriel Martinelli, waxaana goolkan ka caawiyay Sead Kolasinac.
Arsenal ayaa markan la wareegtay hogaanka ciyaarta waxaana daqiiqadii 66-aad 1-2 ka dhigay Nicolas Pepe, waxaana goolkan ka caawiyay saaxiibkiis Pierre-Emerick Aubameyang.
Daqiiqadii 69-aad Gunners-ka ayaa sii dheereysatay hoggaanka ciyaarta kaddib markii uu Pierre-Emerick Aubameyang dheesha ka dhigay 1-3, xilli uu caawinta goolkan lahaa Nicolas Pepe.
Ugu dambeyntii ciyaarta ayaa waxay ku soo idlaatay 1-3 ay guusha ku raacday kooxda Arsenal oo marti ugu aheyd West Ham United London Stadium.
SAWIRRO:
Source Goolfm.net