Hargeysa(Berberatoday.com)-Alle haw naxariiste Guddoomiyihii Maxkamadda Gobalka Sool Marxuum Xasan Sheekh Maxamud ayaa galabta lagu dilay qarax loogu xidhay baabuurkiisa, magaalada Lascanod.

Ma jirto cid si rasmi ah u sheegatay qaraxa guddoomiyaha lagu dilay, laakiin qaraxyada noocan ah ayaa muddooyinkii dambe aan lagu arag magaalada Lascaanod.

Ma jiro wax war ah oo ay Xukumada Somaliland ka soo saartay geerida sarkaalkan u sareeyay maxkamadda gobalka Sool ee qaraxa lala beegsaday.

Marxuumka Geeriyooday ee Gudoomiyaha Maxkamada Gobolka ahaa ayaa 8 sano ee udanbeeyay xilkaasi hayay ilaa hadana lama garanayo cid qaraxa gaadhiga ugu xidhay.