|
|
Jeddah(Berberatoday.com)-Markabka oo Magaciisu Yahay M/v Banyas oo qaaday xoolo dhan 15980 Neef oo Adhi ah Iyo 543 Geela ayaa habeenkii xalay ahaa dib ugasoo shiraaqday Dekada Jiddah ee Dalka Sucuudi Carabiya Kadib markii lagu amray inuu xoolo ku celiyo halkuu kasoo qaaday oo ah Dekeda Berbera.
Markabkan ayaa ka baxay Dekada Berbera 12/6/2020 Ilaa iminkana lama oga sababta xoolahan loo dejin waayay ee loosoo celiyay maadama siwanaagsan loosii baadhay caafimaadkooda.
Warar kale oo warbaahintu heshay ayaa tibaaxaya in shuruud lagu xidhay inaan markab lagu wada rari karin geela iyo Adhiga wada socda waxaanay shuruudaasi kasoo baxday Wasaarada Xoolaha iyo Beeraha ee Dalka Sucuudiga Waxase dhego uyeelan waayay oo isdhex wada Adhiga Iyo Geel oo Markab kuwada rara ganacsatada Xoolaha dhoofisa ee Somaliland Waana ta keentay in Xoolahaas dhibta intaas leegi gaadho xoolahaas Masaafadaas laga soo celiyo.
Dabcana isla xalay waxa Gancsatadii xoolaha rartaa ay hakiyeen Markabka oo xoolo uqaadi lahaa dalka sucuudiga oo Dekeda berbera laga rari lahaa Waxaana la sheegay in markabkan diyaarka ahaa lagu rari doono Geel kaliya halka Marka Hore la damacsanaa in Adhi iyo Geelba Lagu wada raro.
Markabkan ayaa Mudo sadex maalmooda Bada kusoo jiri doona si uu Dekeda Berbera ugu soo xidho waxaana xoolaha lagu raray lahaa dhamaantooda Ganacsato reer Somaliland ah waxaana xoolaha laga raray Maxjarka isutaga Ganacsatada Unated Garaunteen.
Berberatoday.com