|
|
Hargeysa(Berberatoday.com)-Wasiirka Wasaaradda Macdanta iyo Tamarta Somaliland Eng. Jaamac Xaaji Maxamuud Cigaal, ayaa ugu baaqay Shirkadaha adeegga Laydhka bixiyaa inay Bulshada u jebiyaan qiimaha ay ka qaadaan, maaddaama oo uu qiimaha Shiidaalku jabay, isla markaana dhaqaalaha Dunida oo idil saamayn ku yeesheen xayiraadaha ka dhashay xannuunka COVID-19.
Wasiirka Tamartu qoraal uu soo saaray maanta, ayuu ku sheegay in qiimaha Shidaalku uu gaadhay qiime aad u hooseeya, isla markaana ay jiraan qoysas badan oo aan awoodin in ay bixiyaan qiimaha Laydhka ee shirkadduhu ku dalacaan. Sidaa awgeed loo baahanyahay in ay shirkaddaha uu ku xusay qoraalka jebiyaan qiimaha oo ay fuliyaan amarka Wasaaradda.
Wasiirka Macdanta iyo Tamarta Somaliland, Eng. Jaamac, wuxuu sidaa ku sheegay qoraal saxaafadeed uu ku saxeexnaa oo maanta kasoo baxay xafiiskiisa Magaalada Hargeysa.
Qoraalka Wasiirka oo lagu xusay magacyada Shirkadaha ay ku socoto farriinta xanbaarsan Awaamiirta la farayo Shirkadaha Laydhka amma Korontada ee Somaliland ka shaqeeya qaarkood, ayaa nuqul ka mid ahi soo gaadhay Warbaahinta aftahannews, waxaana tan hoos ka muuqata Warqadda Wasiirku ee ka bogasho habboon:-
