|
|
Gabiley(Berberatoday.com)-Ciidanka Booliska Ee Magaalada Gabiley, ayaa Xabsiga U Taxaabay Wiil dhalinyaro ah, oo isagoo suun si Arxandaro Ula dhacaya Hablo arday ah muuqaalka iska soo duubay kaasi oo lagu baahiyay baraha bulshada,
Wiilkan falka foosha xun kula kacay Hablaha ardayda ayaa lagu Magacaabaa Mahad Cabdirasaaq Cali, kana mid ahaa ardayda dugsiga cigaal Primary oo ay Hablaha uu falkan kula kacayna Dhigtaan,
Sidoo kale, Ciidamada Booliska Gobolka Gabiley ayaa ku daba jira dhalinyaro kale oo falkan kula jiray islamarkaana uun iyaga sawiradoodu ka muuqanin muuqaalka ay baahiyeen.
Falkan foosha xun ee uu Wiilkan dhalinyarada ahi ka kacay ayaa noqonaya mid noociisu ku cusub yahay bulshada kaasi oo la filayo in uu ku mutaysto ciqaab iyo xadhig adag
Dhanka kale dugsiga Cigaal oo ah ka hablaha ardayda ahi kasoo rawaxeen ayaa qoraal uu soo saaray ku cadeeyay in ay wiilkan gabi ahaanba ka eryeen iskuulka iyagoo wasaarada waxbarashada ku socodsiiyay erga wiilkan falka foosha xun ku kacay oo lagu magacaabo Mahad Cabdirasaaq Cali
Sidoo kale Maamulka Dugsiga Cigaal Primary ayaa laamaha amaanka ka codsaday in talaabo sharci laga qaado
HALKAN KA AKHRI QORAALKA KASOO BAXAY MAAMULKA DUGSIGA CIGAAL;
Berberatoday.com