Warshiiq(Berberatoday.com)-Wararka ka imanaya degmada Warshiiq ee gobolka Shabeellaha Dhexe ee dalka Soomaaliya, gaar ahaan deegaanka lagu magacaabo Fillo-dheer, ayaa sheegaya in maleeshiyaad hubeysan ku dileen hooyo iyo laba carruur ah oo ay dhashay.

Hooyada geeriyootay ayaa la sheegay in ay Umul kula jirtay Ilmo yar oo ay dhashay waxaa sidoo kale lala dilay Ilmo kale oo saddex sano jir ah. Weerarkan ayaa sidoo kale lagu dhaawacay sida ay dadka deegaanku sheegeen haweenay isla qoyska ka mid aheyd in wiil shan sano jir ah.

Falkan ayaa argagax ku abuuray dadka deegaanka oo sheegay in dhacdadan ay salka heysno Aano Qabiil, iyadoo bartamihii bishii September deegaanka Raagga Ceel isla gobolka Shabeellaha Dhexe rag hubeysan ku dileen Lix Qof oo dhamaantood culimo ah kuwaa oo ku sugnaa goob Qur’aan Akhris.