|
|
Dhuusamareeb(Berberatoday.com)-Laba Askari ayaa dhintay, siddeed kalena wey ku dhaawacmeen, ka dib markii qarax lagula eegtay deegaanka Mil-dhaqo oo 15km koonfur ka xiga magaalada Dhuusamareeb ee xarunta gobolka Galguduud.
Askar ka tirsan Ciidanka Soomaaliya oo la laayey 2020
Qaraxa, ayaa ka dhacay deegaanka lagu magacaabo Sinna-dhaqo oo ka tirsan degmada Dhuusa-mareeb ee gobolka galguduud ee dowlad-deegaanka Galmug ee Soomaaliya.
Waxa lagu soo warramayaa, in Qaraxaas oo Miino ahaa, lagu bartilmaameedsaday gaadhi Cabdibile ah oo ay la socdeen qaar ka mid ah ciidammada 21aad ee xoogga dalka Soomaaliya.
Kooxda Alshabaab ee dagaalka ka wadda Soomaaliya, ayaa weerarrada sidan oo kale ah ee miinada iyo qaraxyada loo adeegsado inta badan ku bartilmaameedsada Ciidanka dowladda Federaalka Soomaaliya, kuwa maamul-goboleedyada iyo ciidammada Midawga Afrika ee AMISOM ka jooga.
Berberatoday.com