|
|
Toronto(Berberatoday.com)-Wiil Somali-Canadian ah oo la yidhaahdo Nabiil Cabdi Cali oo 28 jir ah, ayaa dhawaan ku guuleystay abaalmarin sannad walba mar la siiyo 30-ka qof ee ugu saameynta badan dalka Canada ee da’doodu ka yartahay 30 sano jirka
Nabiil Cabdi Cali, ayaa Madax ka ah Hay’ad ka shaqeysa Barnamaijyada gargaarka iyo horumarinta oo la yidhaahdo IDRF, taas oo taageerta Dadka ku jira Xeryaha Qaxoontiga iyo Dadka dhibaataysan.
Sida lagu sheegay qoraal kooban oo laga sameeyay, Nabiil wuxuu ahaa tan iyo yaraantiisii qof caawiya carruurta dhibaateysan ee ku jira xeryaha qaxoontiga.
Hay’adda uu maamulo ayaa ka shaqo billowday Soomaaliya si ay u maamusho barnamaijyada horumarinta iyo bani’aadannimada ee dadka ay dagaallada iyo abaaruhu saameyeen.
Sidoo kale markii uu billowday cudurka safmarka ah ee COVID-19 wuxuu hay’adda IDRF ka caawiyay in dawooyin, cunto iyo biyo nadiif ah ay siiyaan dadka dhibaateysan.
Berberatoday.com