Wakiilka Somaliland U Fadhiya Adis-Ababa Oo Iibiyay Baabuur Ay Safaaradaasi Lahayd Iyo Xadiga Lacagta Uu Siiyey
January 31, 2016 - Written by Berbera Today
Adisababa(Berberatoday.com)-Safiirka Somaliland u fadhiya Magaaladda Adisababa ee xarunta dalka Ethiopia Maxamuud Jaamac Aadan (Galaal) ayaa iibiyey baabuur noociisu ahaa Laankuruusar islamarkaana ka mid ahaa baabuurta xafiiskaasi, kaas oo uu ka iibiyey dad rayid oo imika baabuurkaasi ku dhex-wata Adis-ababa.
Baabuurkan Laankuruusarka ah oo numberkiisu ahaa 97137 ayuu safiirku fasaxay ka dib markii uu mudo dhawr bilood ah xilkaasi hayey, kaas oo uu siiyey sida ay dad xogagaal ahi noo sheegeen 80 kun oo lacagta Ethiopia ah, isagoo lacagtaasna jeebka ku shubtay isla markaana ay arrintaasi ka abuurantay khilaaf xoogan oo soo kala dhexgala isaga iyo ku xigeenkiisa Mr Ayaanle Salaad.