Wasiir Cali Waran Cade Oo Lagu Edeeyay Inuu Dekeda Berbera Kuxanibay Gaadiid UN-Tu Leedahay”Cali Waran Cade Waxa Uu Igu Yidhi Afarta Baabuur Ee UN-ta Mid Kamida Aniga Isii Hadii Kale Dekeda Ka Biximaayan”Axmed Cali Ubaxle”Daawo Muuqalka”

February 25, 2016 - Written by Berbera Today

Berbera(Berberatoday.com)-Axmed Cali Ubaxle oo kamid ah Ganacsatada Reer Somaliland horena u ahaan jiray Wasiirkii Warshadaha ee Xukumadii Udub ee Dahir Rayaale hogaamin jiray ayaa eedeyn usoo jeediyay Wasiirka wasaarada arimaha Gudaha Somaliland Cali Maxamed warancade oo uu sheegay inuu Dekeda Berbera kaga Xanibay Gaadiid Landcrussers ah oo ay leeyihiin Haayadaha Qaramada Midoobay Unated Nationska oo Axmed Cali Ubaxle Wakiil ka yahay dekedana uu ka soosaari rabay, waxaanu sheegay Axmed Cali Ubaxle inuu wasiir Waran cade ka dalbaday inuu gaadiidkaas mid kamida isaga siiyo hadii kale aanay dekeda ka baxayn.

Gaadiidkan oo afar Baabuur ah ayaa ah nooca aanay xabadu karin ee loo yaqaan Bild Proof waxaanay laba kamid ahi usocdeen Maamul Goboleedka Somaliyeed ee Putland halka labada kalena ay lahaayeen Xafiisyada hargeysa ee Qaramad Midoobay sida uu sheegay Axmed Cali Ubaxle.