|
|
Rio Dejinero(Berberatoday.com)-Booliska dalka Brazil waxa ay xireen madaxweynihii hore ee dalkaasi, Luiz Inacio Lula da Silva, taas oo qeyb ka ah baadhitaan musuqmaasuq.
Dhowr goobood oo asiga lala xidhiidhinaayay oo gurigiisa iyo Machadla Lula ay kamid yihiin, ayey booliska baadhtaan ku sameeyeen.
Baadhitaannada waxa ay ku wajahan yihiin shirkad shidaal oo dowladda ay maamusho oo lagu magacaabo Petrobras.
Lula waxaa su’aalo laga weydiin doonaan eedaha ku saabsan inuu faa’iido ka helay laaluush uu ku qaatay nidaamka shirkadda.
Saacado ka hor howlgalka, Machadka Lula waxa laga soo saaray war lagu sheegay in madaxweynihii hore uu diiday inuu wax qalad ah sameeyay.
Lula da Silva waxa uu Brazil madaxweyne ka ahaa intii u dhexeysay 2003dii illaa 2011kii.
Haweeneyda asiga badashay ee Dilma Rousseff, waxa ay ahaan jirtay madixii shaqaalaha ee maamulkiisa.
Source BBC