dhinaca kalena Saraakiil ayaa sheegay in qaraxa uu dhacay xilli basas ay leeyihiin milateriga dalkaasi ay istaageen samaafaraha ama nalka taraafikada meel u dhaw baarlamanka iyo xarunta dhexe ee milateriga dalkaasi.
Madaxweyne Recep Tayyip Erdogan oo baajiyay safar uu ku tegi lahaa dibadda ayaa waxa uu wacad ku maray in uu sii wadi doono dagaalka ka dhanka ah waxa uu ugu yeedhay fulayaasha qaada weerrarada noocan oo kale ah iyo cidda ka dambeysaba.

Dowladda  Turkiga ayaa waxa ay durbadiiba farta ku fiiqday kooxda la mamnuucay ee dhaqdhaqaaqa gooni u goosadka Kurdiyiinta ee PKK.

Xoghayaha Guud ee NATO Jens Stoltenberg ayaa sheegay in xulafada NATO ay ka garab taagan yihiin Turkiga dagaalka ay kula jirto argagixisada.

Ciidammada Turkiga ayaa dhawaan waxa ay xoojiyeen weerrarada ay ku hayaan maleeshiyaadka Kurdiyiinta ee Suuriya, kuwaasi oo ay Turkidu leedahay waxa ay ku xidhan yihiin ururka PK

Halkan ka daawo:

Dowladda Turkiga ayaa waxay dagaal xoogan kula jirtaa mindidiinta Dawladda Islaamiga ee ISIS iyo kooxaha mucaaradka ee PKK iyo YPG.Bishii Febraayo ayaa qarax midkan la mid ah wuxuu ka dhacay magaalada Ankara, kaasoo lagu dilay ku dhawaad Soddon qof iyo dad ka badan oo ku dhaawacmay.