|
|
London(Berberatoday.com)-Wasiirka Madaxtooyada Somaliland Maxamuud Xaashi Cabdi ayaa haatan ku sugan dalkan UK sii uu meeleeyo jeeg lacag ah oo ay dawladda Kuwait ugu deeqday in lagu kaalmeeyo dadka reer Somaliland ee ku tabaaloobay abaaraha ba’an ee dalka ka jira.Jeeggan oo ay ku qorantahay lacag lagu qiyaasay $20 milyan ayaa waxa Kuwait ka soo qaaday oo Ingiriiska la yimid wasiir Maxamuud Haashi si loogu shubo xisaabo isaga iyo xubno ka tirsan qoyska madaxtooyadu ku leeyihiin dibadaha.
Dalka Jamhuuriyadda Somaliland ayaa waxa hadda ka jirta abaar xun oo nooceeda aan mudo dheer la arag iyadoo ay xoolihii ka baxeen tobanaan kun oo dadki xoolo dhaqatada ahaa isla markàana ay jiraan dad harraad iyo macaluulba u dhintay.
Madaxweyne Siilaanyo ayaa markii uu gaadhay Hargeysa warfidiyeenada u sheegay in ujeedada booqashadiisa Kuwait ay aheyd inuu Amiirka Kuwait uga mahadceliyo mashruucii lagu hagaajiyey madaarada Hargeysa iyo Berbera kaasoo hirgalintiisada haatan dhawr sanadood laga joogo isla markaana uu madaxweynuhu ka mahadceliyey booqasho hore oo uu Kuwait ku tagay sanadkii 2011.Hasayeeshee madaxweyne Siilaanyo meelna kuma soo hadalqaadin mucaawimadii loogu soo dhiibay shacbigiisa abaartu ku habsatay.
Source Haatuf.net