|
|
Lascanood(Berberatoday.net/com)-dabley hubaysan ayaa toogasho ku dilay Nin shacab ah, magaalada Laascaanood. Dilka ayaa dhacay fiidnimadii Habeenkii Isniinta, waxaanu ka dhacay agagaarka Masaajidka Al-huda ee Magalaadaas.
Cabdilaahi Axmed Caraabay oo ay walaalo ahaayeen xildhibaan ka tirsan Golaha Wakiillada Somaliland, ayaa toogasho lagu dilay xilli uu ka soo baxay Masaajidka Al-huda. Dableyda dilka geysatay aya la sheegay inay ka baxsadeen goobta markii ay falka fuliyeen.
Ma jiro wax war ah oo ka soo baxay laamaha Ciidanka Nabad-gelyada oo ku saabsan dilka iyo inay jiraan wax raad ah oo laga hayo Kooxdii geysatay.
Marxuumka dhintay oo lagu magacaabi jiray Cabdilaahi Axmed Caraabay, ayaa waxay walaalo yihiin Xildhibaan Dhakool oo ka Tirsan Golaha wakiilada Somaliland, kaasoo marar badan lagu eeddeeyey inuu ku lug lahaa ama ka dambeeyey dilal qorshaysnaa oo sanadihii la soo dhaafay lagu dilay Saraakiil dawladdeed iyo dad shicib ah.sidoo kale Marxuumka geeriyooday ayaa mudo hada laga joogo laba sanadood ay ciidamada Somaliland kasoo qabteen deegaan katirsan Gobolka Sool oo lagu magacaabo Xidhxidh isaga oo lagu eedeyay inuu xidhiidh lahaa kooxaha argagixisada ee Xagjirka ah waxaanu mudo kooban ku xidhan xabsiga hargeysa oo laga sii daayay aakhirkii imikana waxa la sheegayay in xil dawladeed loo magacaabay oo qorshahaasi loo waday.
Xildhibaanka, ayaa lagu eeddeeyey inuu xidhiidh la leeyahay Kooxo nabad-gelyo daro muddo ka waday Gobolka Sool, gaar ahaan
Berberatoday.com