|
|
Waxaan Hambalyo iyo bogaadin u soo jeedinayaa Musharaxad- Aqoonyahanad Marwo Amran Mohamed Ahmed oo bishan April 16-keedii Galbeedka Caasimada London kaga dhawaaqay in ay isu soo taagi doonto musharaxad u taagan doorashada Golaha Wakiilada ee Somaliland ee inagu soo fool leh. Marwo Amran Mohamed Ahmed waa Foolaadka Haweenka aqoonta iyo waayo aragnimada xambaarsan reer Somaliland ee ku dhaqan cariga ingiriiska . Waa shaqsi wadani ah oo Somalilandnimadeedu ay dhiigeeda iyo dheecaankeedaba raacday taas oo mar walba isha ku haysa qaranimada, qawmiyada iyo qadiyada gooni isu taaga Somaliland. Hadii ay ku guuleysto in ay ka mid noqoto doorashada Golaha baarlamaanka ee dhici doonta 27/4/2017 Marwo Amran Mohamed Ahmed uma baahna carbis danbe oo waa aqoon yahanad ay u guntan tahay taariikhnololeed rasaysan oo hore loo soo tijaabiyey Taa soo wax qabadkeeda iyo curinteedaba la mahadin doono.”Inshaa-allah”
Uriyaaqa iyo Isku haleynta togan ee Marwo Amran Mohamed uu ka qabo shacabweynaha reer Somaliland gude iyo debedba ayaa ku dhiiri gelisay in ay isu soo sharaxdo in ay ka mid noqoto Golaha Baarlamaanka ee cusub ee Somaliland sanadka soo socda la xulan doono. Waxaana shaqsiyan aan illaahay uga rajeynayaa in ay ku guuleeysato hankeedan cokan ee ay ka go’an tahay in ay dadkeeda iyo dalkeedaba ugu adeegto si hufan oo daacadnimadii laga bartay ay ku dheehan tahay.
Alleh Ayaa Mahad iyo Mudnaanba Leh,
Wehelkiin Waa-Alleh iyo Nebi (scs)