|
|
Hargeysa(Berberatoday.com)-Wasiirada Wasaaarada Diinta iyo Aw-qaafta Sheekh Khaliil Cabdilahi Axmed iyo Wasiirka Hawlaha guud Cali Xasan Maxamed Ayaa Ka Qaybgalay munaasibadd balaadhan oo lagu dhagax dhigay dhismaha Masjid Jaamaca Weyn ee Magaaladda Ceerigaabo.
Waxaa Kaloo Kusugnaa Oo Kasoo Qaybgalay Dhagaxdhigani Wasiirka Diinta Iyo Awqaafta Sheekh Khaliil ,Madxda Laamaha Dawalada Gobalka Sanaag .
Wasiirka oo hadal kooban halkaas ka jeediyey wuxuu u mahadceliyey Cidkasta Oo Gacan Ka Gaystay Sidii Uu Dhismahan Khayrka Badani U Iman Lahaa Magaaalada Ceerigaabo Waxaana Uu Wasiirku Ilaahay U Weydiiyay Inuu Miisanka Xasanaadka Ugu Darro, Wuxuuna hadalkiisa ku bilaabay:
”Waxaan aad ugu mahadcelinayaa Allena uweydiinayaa inuu khayr ka siiyo cid kasta oo gacan ka geysatay in maasaajidkan halkan laga dhiso, maanta reer Ceerigaabo khayr baddan ayaa uyimid, sidaa la inoo sheegayna ma jiro Masjid la mida oo ka dhisan Dalka Somaliland oo dhan, waana Masaajid koobsaday wax kasta oo loo baahnaa, Reer Ceeribooy Alle umahadceliya”.
”Xadiiskii Nabiga NNKHH ayaa ahaa ” Qofka Masjid dhisa Alle ayaa isna Masjid uga dhisa Jannadda, cidkasta oo ka qeyb qaadatay in Masjidkan Ceerigaabo laga dhiso uguna horeeyo Sheekh Maxamed Cali Geedi waxaan Alle uga baryeynaa in Alle masjid uga dhiso jannadda”.
Maayir Ismaaciil Xaaji Nuur ayaa is garab fadhinoo wuxuu igu yidhi labo mahad ayaan u kala haynaa mid Masaajidkii naloo soo waday dhexda ufadhiistay iyo Sheekh Maxamed Cali Geedi oo maanta keenay in Masaajidkaa halkaa laga dhiso Ceerigaabo”.
Ugu danbey Wasiirka Hawlaha Guud Mudane Cali Xasan, Wasiirka Diinta AW Qaafta Sheekh Khaliil iyo madax laamaha Gobolka Sanaag waxay si wada jira u dhagax dhigeen halka laga bineynayo dhismaha cusub ee Masjidul Jaamaca ee Magaaladda Ceerigaabo”.
Berberatoday.com