|
|
Hageysa(Berberatoday.com)-Garyaqaanka guud ee Qaranka Somaliland Ibraahim Iidle Saleban, ayaa si rasmi ah iskaga casilay xilkii
Ma jiro war rasmi ahi oo la xidhiidha iscasilaadaas, laakiin ilo xogogaala ayaa Warbaahinta madaxabanaan ee Onlineka ah u sheegay in garyaqaanka guud isagoo dalka ka maqan uu xalay madaxtooyada Somaliland soo gaadhsiiyay warqad istiqaalad ah oo uu Madaxweyne Siilaanyo ku soo hagaajiyay,taas oo uu kaga dalbaday inuu ka aqbalo go’aanka uu shaqada kaga tagay.
Garyaqaanka guud oo arrimo u gaar ah dalka dibadiisa ugu maqnaa, ayaa wuxuu Madaxweyne Siilaanyo bishii December ee kal hore xilkiisii si ku meelgaadh ah ugu sii dhiibay masuul kale oo hore u ahaa agaasimaha guud ee wasaaradda daakhiliga Mr. Cabdisamad Maal. Ma jiro wax war ah oo ay madaxtooyadu ka soo saartay is casilaadda masuulkan.
Berberatoday.com