Ma Dhabbaa In Hargeysa Noqotay Hoy Si Shuruud La’aan Ah Looga Qaato Baasaaboorka Soomaaliya ?
May 24, 2016 - Written by Berbera Today
Hargeysa(Berberatoday.com)-Baasaaboorka Dalka Soomaaliya (E-Passport) oo hore uga Mabnuuc ahaa in laga bixiyo Magaalooyinka Somaliland, ayaa Bilihii u dambeeyay si Caadiya looga qaataa Magaalooyin Hargeysa ka mid tahay.
Haddaad Hargeysa joogto ama aad Magaalo kale ka timaaddo, si fudud baad Baasaaboorka Soomaaliya uga qaadan kartaa Xafiisyo si Qarsoodiya loogu Farsameeyo, sababtoo ah Qofku marka uu Lacagta bixiyo lama waydiiyo Macluumaad ka badan inta Baasaaboorka loogu qorayo.
Xafiisyadan oo Midkood uu Madax ka yahay Nin magaciisa lagu sheegay Asad oo u dhashay Somaliland ayaa xogo muhiim ahi ay Warbaahinta u xaqiijiyeen in uu Baasaaboorka ku sameeyo hab Online ah, waxaana Qofka aan Magaalada Hargeysa joogin ee u baahda Baasaaboorkaasi uu si fudud Macluumaadkiisa ugu diri karaa Internet-ka, laakiin arrintan ayaa sida muuqata khatar dhanka ammaanka ah sababi karta, maaddaama oo Qof kastaa aan la ogeyn ujeeddada iyo waxa uu baasaaboorka u doonayaa si fudud u helayo.