Hargeysa(Berberatoday.com)– Toban milyan oo doolar oo aheyd lacag ay shirkadda Dubai World u bixisay Xaqul Qalin ahaan isla markaana ay ku wareejisay xukuumadda madaxweyne Siiraanyo sagaalkii bishan May ee ina dhaaftay ayaan war iyo wacaal loo heynin  meel ay mareen iyadoo aanay ilaa hadda ku dhicin khasnadda dawladda.

Waxa todobaadyadan oo dhan cabanayey dadkii daymanka doolarka ah ku lahaa xukuumadda iyadoo lagu khasbayey inay lacagtoodii ku qaataan  Shilinka Somaliland oo waliba ay yeelaan in loogu sarifo sicir ka hooseeya kii suuqa oo ay ku khasaarayaan taasoo ay dawladdu ku sababaynaysay in  aan doolar oolin baanka.