Rooda Axmed Yaasin Oo Xoriyadeedii Dib Uheshay Iyo Labadii Dhalinyaradii Ahaa Oo Weli Xidhan

June 26, 2016 - Written by Berbera Today

Hargeysa(Berberatoday.com)-Gudoomiyihii Xisbiga Ucid ee gobolka Saaxil Rooda Axmed Yaasin Ayaa maanta dib u heshay xoriyadeedii kaddib markii shalay Ciidamada Boolisku Jidka ka qabteen, isla markaana ku xidheen Degmadda Sheekh Abdaal saldhiggeedda.

Iyaddoo xalay saacaddihii u danbeeyeyna loo soo dhaadhuciyey.

Gudoomiye Roodda Axmed Yaasin oo aanu khadka Telephone ka kula hadalnay ayaa sheegtay inay imika xoriyadeedii dib u heshay Hase-yeeshee ay weli xa daro ku xidhan yihiin laba wiil oo safar ku weheliynaayey.

Rooda Axmed Yaasin waxay sheegtay inuu hadaad kula kacay Gudoomiyaha degmadda sheekh Abdaal iyo qaar kamid Ciidamada booliska oo sida ay sheegtay laba dhalinyaradda ah ee la socday ku sameeyey garaacis iyo hadiidaad faro badan.

Xigasho Xogreebnews.com