Xulalka Wales iyo Belgium ayaa habeenka Jimcaha 1-da July isku balansan waxayna ku wada ciyaari doonaan garoonka Stade Pierre-Mauroy ee magaaladda Lille. Habeenka Sabtida ee 2-da July waxaa dhacaya kulanka la wada sugayo ee Germany iyo Italy, waxay isku arki doonaan garoonka Matmut Atlantique ee magaaladda Bordeaux.

Sidoo kale kulan adag ayaa lagu soo afmeerayaa wareega siddeeda iyadoo France iyo Iceland ay habeenka Axada ku wada ciyaari doonaan Stade de France ee magaaladda Paris. Waxaa xiiso leh in Semi Finalka ay sidoo kale kulamo adag ka soo bixi doonaan, xulkii soo badiya Portugal iyo Poland ayaa 6-da bisha July waxa ay la ciyaari doonaan Semi Finalka xulkii soo badiya Wales iyo Belgium.

Kulanka kale ee Semi Finalka waxa uu 7-da bisha July u dhaxeyn doonaa xulkii soo badiya Germany iyo Italy iyo weliba xulkii soo badiya France iyo Iceland.

Kulamadda Wareega Siddeeda ee Euro 2016:

Khamiis – Poland v Portugal

Jimce – Wales v Belgium

Sabti – Germany v Italy

Axad – France v Iceland

Kulamadda Semi Finalka Euro 2016:

Arbaca – 6-da bisha July

Poland/Portugal v Wales/Belgium

Khamiis – 7-da bisha July

Germany/Italy v France/Iceland