Madaxweyne”Maxaa Loo Joojiyay Mashruucii Biyo Balaadhinta Caasimada Hargeysa Ee Uu Jarmalku Maalgelinayay ?
August 9, 2018 - Written by Berbera Today
Hargeysa(Berberatoday.com)-Go’aanka ay wakaaladda biyaha Hargeysa ku joojisay qandaraaskii biyo balaadhinta caasimadda Hargeysa ayaa keenay in bulshada reer Hargeysa ay su’aalo badan iska weydiiso sababta keentay joojinta.
Mashruucan oo uu maalgelinayay baanka Jarmalka ee KfW, waxa loogu tallo galay lacag lagu qiyaasay 23.5 million Euro si biyaha loo gaadhsiiyo degmooyinka Maxamuud Haybe iyo Axmed Dhagax ee magaalada Hargeysa, waxaana tartanka ka qayb galay shirkado badan oo aakhirkii lagu soo ururiyay 7 shirkadood oo ay iyadana ahayd in la kala saaro oo lala soo baxo shirkadda qandaraaska ku guulaysatay.