|
|
hargeysa(Berberatoday.com)-Deraasadd dhawaan lagu soo bandhigay dalka Maraykanka ayaa lagu xaqiijiyey in cuntooyinka ay Carbohydrates-ka ah ay sababaan dhibaatooyin soo wajaha Lafaha qofka iyo sidoo kale laabatooyinka jidhka.
Carbohydrates-ka ayaa waxay ku badan yihiin khuddaarta sida baradhada oo kale iyo Galleyda amase xasiida, sidoo kale waxa ka mid Roodhida aynu had iyo jeer cuno dhammaan cuntooyinkaasi waa kuwa ay ku badan yihiin Carbohydrates-ku, caadeysiga cuntooyinkaasi ayaa waxay sababaan in lafaha jidhku lismaan isla markaasina ay noqdaan kuwa aad u khafiif ah.
Deraasaddan oo lagu baahiyey Disease Models & Mechanisms oo lagu gudbiyo deraasadaha cilmiga ah oo Wargeyska Himilo ka soo xigtay ayaa waxa kale oo lagu caddeeyay in cuntooyinka noocaasi ahi ay sababaan dhibaatooyinka soo waajaha laabatooyinka jidhka sida jilbaha oo kale.
Khubarada soo bandhigay deraasaddan ayaa waxay dadka aadka u isticmaalaa cuntooyinkaasi kula dardaarmeen inay aad isaga yareeyaan cuntooyinkaasi si aanay dhibaatooyinkaasi u soo waajihin.
Berberatoday.com