kooxda uu Baashe Morgan hogaaminayo ee shirarku uga socdaan ayaa waxa kamida Wasiirkii hore ee Madaxtooyada Maxamud Xaashi Cabdi,Wasiirkii Hore ee hawlaha Guud Cali Xasan Maxamed(Cali Mareexaan)iyo Wasiirkii hore ee Qorsheynta Maxamed Ibraahim Qabo.

shirarkan aan kala go,a lahayn ee maalin iyo habeenba Xubnahaas uga socda Hutelka Jirde ee magaalada Hargeysa ayaa waxa la sheegayaa in lagu maleegayo Mucaaradad ladoonayo in lagu kiciyo Xukumada Madaxweyne Muuse Biixi oo Ooda ka Rogi waayay wasiiradaa xukumadii Hore Ka tirsanaa iyada oo sababta ugu weynina ka bilaabantay Bedelkii laga Bedelay Wakiilnimada dalka Isutaga imiraatka Carabta Bashe Morgan oo isagu kooxdan kaabe u ahaa wakhtigii Xukumadii Siilanyo dhamaantoodna ay ka amar qaadan jireen.

Xukumada Madaxweyne Muuse Biixi Cabdi ayaa la sheegayaa inay la socoto dhaqdhaqaaqa Kooxda uu Baashe Morgan Hogaaminayo il gaarana kuhayso shirarka ay maalmihii udanbeeyay ku qabsanayeen Hutelka Jirde ee Magaalada Hargeysa waxaana la sheegaya inay Xukumadu sugayso talaabada shirarkaas ku xigta ee ay Xubnahani Qaadi doonaan.

Baashe Morgan oo ah Wiilkii Madaxweyihii hore ee Somaliland Axmed Siilanyo Sodoga u ahaa islamarkaana ahaa Wakiilkii Somaliland ee dalka Isutaga imiraatka Carabta ayuu ucuntami waayay Xilka Wakiilnimada Dalka Kenya ee Madaxweyne Biixi Umagacabay mar warbaahintu wax ka weydiisanay Baashe Morgan sida uu arkana waa uu is daad raaciyay isaga oo si afgobaadsiya uyidhi xilkaas waan ku qancay waanan qabanayaa meelkasta oo Madaxweynuhu ii magacaabo hase yeeshee taas bedelkeedii waxa uu hilaabay siyaasad hoose oo uu doonayo inuu Xukumada Ku kiciyo Wasiiradii ka amar qaadan jiray isaga ee Xukumadii Sodogii Axmed Siilanyo katirsanaa.

Cabdirisaaq Axmed Yacquub

Berberatoday.com Hargeysa/Somaliland