Maxaabiis Ku Xidhan Xabsiga Hargeysa Oo Cuntadii Ka Soomay Iyo Guddoomiyaha Haayada Xuquuqda Insaanka Madaxa Banaan Ee Somaliland Oo Ka Hadlay Xaaladooda
August 16, 2018 - Written by Berbera Today
Hargeysa(Berberatoday.com)-Guddoomiyaha xarunta Xuquuqal aadamaha Madaxa-banaan ee Somaliland Guuleed Axmed Jaamac “Dafac” ayaa waxa uu ka dayriyay xaalada ay ku sugan yihiin 9 maxbuus ku xidhan xabsiga wayn ee magaalada Hargeysa oo ka soomay Cuntadii.
Guddomiyaha Xarunta Xaquuqal iinsaanka Madax-banaan oo waraysi gaar ah siinayay Telefiishanka SOMNEWS TV ayaa waxaa uu sheegay in laba ka mid ah sagaalka maxbuus ay xaaladoodu aad u liidato, Sidoo kalena waxaa uu sheegay in Xukuumada Madaxweyne Muuse Biixi ay u diiday in ay booqdaan Ururada Xaquuqal aadamuhu.