berberatoday.com
BOOBE Oo Mudanayaasha Golaha Wakiillada U Soo Jeediyey In Aanay Ka Fikirin Waxay Cuni Doonaan Oo Ay Kuraasta Banneeyaan
August 19, 2018 - Written by Berbera Today

Hargeysa(Berberatoday.com)-Mujaahid Boobe Yuusuf Ducaale, ayaa ka hadlay Khilaaf soo kala dhex galay Mudaneyaasha Golaha Wakiillada Somaliland, kuwaasi oo isku haysta War-bixin uu dhawaan soo saaray Guddiga dabagalka iyo ilaalinta Hantida Qaranka Golahaasi.

BoobeWar-bixinta Guddigaasi soo saaray oo Musuqmaasuq ku eedaysay Masuuliyiin ka mid ahaa Xukuumaddii Madaxweyne Axmed-Siilaanyo, ayaa Guddoomiyaha Golahaasi Md. Baashe Maxamed Faarax uu Raalli-gelin ka siiyey Shirkad Magaceeda lagu xusay War-bixinta Musuqmaasuqa la geystay ka hadlaysey, Raalli-gelintaasi oo ah halka uu ka bilaabmay khilaafka soo kala dhex galay Xildhibaannada Golahaasi ee qaarna taageersan yihiin War-bixinta, qaar kalena ka soo horjeedaan.

Mujaahid Boobe oo soo xiganaya raalli-gelinta uu Guddoomiyaha Golahaasi ka bixiyey qayb ka mid ah Musuqmaasuqa ay War-bixintu sheegtay inuu Dalka ka dhacay ayaa yidhi “Waxa lagu jiraa Deyow iyo Habow, waxaynu arkaynaa Golaha Wakiillada oo fadhiya muddo 15 Sannadood ku dhow oo isku haysta War-bixin ay soo saareen Guddi ay iyagu saareen, waxa la yaable War-bixintii oo waxay doontaba ha ahaatee soo baxday in Shir-guddoonka Goluhu soo fadhiisanayo (Warbaahinta) oo uu odhanayo War-bixintaasi waxaas iyo waxaas ayey ku qaldanayd oo waa laga soo dacwooday oo Shir-guddoonkii noqonayo Maxkamaddii, Dastuurka kuma jirto Xaal-marintaasi, balse ma aqaan in Guddoomiyuhu uu xeer u cuskanayo marka uu leeyahay wax baan Xaal ka bixinayaa iyo inay iska tahay (Hadal)..”

Cabdiraxmaan Yuusuf Ducaale (Boobe) oo Shalay la hadlay Warbaahinta ayaa farriin u diray Mudanayaasha Golaha Wakiillada oo uu u soo jeediyey inay ka tabbaabulshaystaan sii fadhiga Golahaasi “Golaheena Wakiillada ee iska joog sii joog ee aan marna Ummadda soo hor-fadhiisan ee aan ku odhanin ‘Xaal-baanu ka bixinay Muddadaa dheer ee aan fadhinay iyo wakhtigii ay ku tagri-faleen, Imika waxay inna leeyihiin Guddigu waxay daba-gashay Xisaab-xidhkii Miisaaniyaddii 2016, miyaanay ka habboonayn in guddiga baadhistu daba-gasho wakhtiga ay ka cuntay Ummadda ee Sanado iyo bilo leh..”ayuu yidhi, waxaanu intaa ku sii daray “Waxaan kula talin lahaa Golaha Wakiillada oo aan u soo jeedin lahaa sidii ay meeshan uga tabbaabulshaysan lahaayeen (bilaabaan) oo ay qaataan dardaarankii Xaajiyo Shamis Abokor Ismaaciil (Guduudo-carwo) ee ahaa ‘afkaa Illaahay baa jeexay oo wuxuu cunayo isagaa yaqaana, xanuunkana illaahay baa keenay oo siduu odhanayo isagay jirtaa’, Waar bakhtiyi maysaane oo Annaguba suuqa waanu joognaaye suuqa iska soo gala, Dadkan aad xoolahoodii, Xaagaankoodii, xishmaddoodii iyo Xurmadoodii u soo dhigateen ka hor dhaqaaqa, oo sidaad uga hor dhaqaaqi lahaydeen ka taliya, Waayo? hadal dambe Ummaddani uma taag hayso, Cid dambe oo idiin gar-naqaysaana ma jirto..”

 

 

 

Berberatoday.com

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews