|
|
Herer(Berberatoday.com)-Wararka naga soo gaadhaya waddanka Itoobiya gaar ahaan Herer ayaa waxa ay sheegayaan in halkaasi lagu dilay 5 ruux oo Soomaali ah.
5 tan ruux oo la sheegay in ay isku ehel ahaayeen ayaa dabley hubaysan oo Oromo ahi ay ku dileen duleedka magaalada Herer ee dalka Itoobiya waxaana lagu kala magacaabi jiray 5 tan ruux ee la laayay Sheikh Sayid Axmed (Sibawayihi), Shiine Cali Baadil,Maxamuyd Cali Baadil iyo labo wiil oo uu sheekh sayid adeer u yahay.
Dadkan Soomaalida ah ee la laayay ayaa waxa la sheegay in goorta la dilay ay ku jireen safar islamarkaana dablayda Oromada ahi dhexda u galeen halkaasina ay ku dileen.
Dilkan ayaa kusoo aadaya xilli Raysalwasaaraha dalka Itoobiya Abiye Ahmed uu ku hanjabay in uu gacan bir ah ku qaban doono colaadaha ka dhexeeya soomaalida iyo Oromada.
Berberatoday.com