Hanti Dhawraha Dawlada Xamar Oo Sheegay Inuu Xafiisyada Farmaajo Iyo Khayre Baadhitaano Ku Samayn Doono”Baadhitaanada Musuqa Waxaan Ka Bilaabeynaa Xafiisyada Farmaajo Iyo Kheyre.
August 19, 2018 - Written by Berbera Today
Moqdisho(Berberatoday.com)-Hanti dhowraha guud ee Qaranka Maxamed Maxamuud Cali (Afgooye) ayaa Maanta kulan la qaatay Guddiga Maaliyadda ee golaha shacabka BJF Soomaaliya ,kaas oo ka dhacay xafiiska ay guddiga maaliyadda ku leeyihiin xarunta Villa Hargeysa ee Magaalada Muqdisho.
Hanti dhowraha guud ee Qaranka Mudane Maxamed Maxamuud Cali (Afgooye) ayaa guddiga maaliyadda ee golaha shacabka la wadagay warbixin ku saabsan shaqada xafiiskiisa.
Hanti dhowraha ayaa sidoo kale guddiga ugu warbixiyay howlaha la xisaabtanka iyo ka hortagga musuq maasuqa ee uu ku sameynayo hay’addaha dowladda.