|
|
Berbera(Berberatoday.com)-Iska Hor Imaad Udhexeeya Ciidamada Booliska Gobolka Saaxil Iyo Dadka Deegaanka Geelookor Iyo Bixin Duule ee Kuyaala Jidka Magaalada Berbera uga Baxa dhinaca magaalada Burco Islamarkaana Masaafo 3o KM ujira magaalada Berbera ayaa saaka halkaas ku dhexmar.
Isku dhaca Booliska iyo dadka deegaanka ayaa waxa la sheegay inuu ka dhashay ismaan dhaaf ku dhexmaray deegaankaa Dadka Deegaanka Iyo Ganacsadaha Cabdirisaaq Cumaani oo buro deegaankaas kuyaala damacsanaa inuu dhagax macdana ka gurto isaga oo ruqsad ka soo qaatay Xukumada Sare ee Somaliland waxaanay dadka deegaanku ninkan Ganacsadaha ah ee Cabdirisaaq Cumaani usheegeen inaanay ogolayn in buraha dhulka ilaahay ku beeray inuu sife aan la garanayn uu dhagax uga gurto isaga oo aan la heshiinin dadka deegaanka ee ilaahay meesha ku beeray waxaana la sheegay inay taasi kaliftay inuu Ciidamada Booliska Gobolka Saaxil uu uqeylo doon tago isaga oo ku andacoonaya in buuraha deegaankaas Xukumadu soo siisay inuu dhagax ka gurto waxaana la soo raaciyay Ciidamo boolis ah kuwaas oo ah kuwa ay isku dhaceen dadka deegaanka waxaana dadka deegaanka laga soo xidhxidhay odayaal iyo dhalinyaro kamida kuwii ay iskau maandhaafeen Cabdirisaaq Cumaani gurashada Macdanta Buuraha Bixin Duule iyo Geelookor kuwaas oo ilaa hada ku xidhan Saldhiga dhexe ee Berbera.
Dadka La soo xidhxidhay ayaa waxa kamida Mujaahid Khadar Guush Iyo Caaqil Ciise Maxamed Cabdi oo kamida dadka deegaanka.
Cabdirisaaq Cumaani waa nin ka soo jeeda Beesha Madaxweynihii hore ee Somaliland Axmed Siilanyo waana ganacsadaha leh shirkado dhisme iyo kuwo macdanta Gurta waxaana isla Todobaadkan gudihiisa laga soo caydhiyay isaga iyo shaqaale uu watay Buurco kuyala Deegaanka Lafaruug ee Galbeedka Gobolka Saaxil waxaanu wakhtigaas laga soo eryaayay deegaankaas sitay waraaqo uu ka soo qaatay Wasiirka Hawlaha Guud iyo Guriyaynta Cabdirashiid Ducaale Qanbi oo markii danbena dafiray inuu waraqahaas ruqsada ah bixiyay.
Cabdirisaaq Cumaani waa nin la kawsaday dawladii Axmed siilanyo xiligaasna magaciisa iyo muuqiisa la arkay waxaanu kamid ahaa ganacsatadii gacan saarka la lahaa Xukumadii Siilanyo ee mashaariicda doorka ah qaatay isaga oo shirkadiisu wax ka dhistay dayactirkii garoonka diyaaradaha Hargeysa iyo jidka isku xidha Berbera iyo hargeysa sidoo kale waxa uu hada qeyb ka yahay shirkadaha wax ka dhisaya garoonka diyaaradaha ee berbera ee la siiyay dawlada isutaga imaaraatka carabta.
Berberatoday.com