|
|
Hargeysa(Berberatoday.com)-Madaxweynaha Somaliland Muuse Biixi Cabdi, ayaa loogu baaqay inuu wax ka qabto oo uu gacanta dawladda ku celiyo ama Sharciga waafajiyo Shirkadaha Shiidaal-baadhista iyo Macdan-baadhista ka wada somaliland oo Xukuumaddii hore Shirkado Shisheeye ku siishay Shirkado Ajaanib ah, Shirkadda Somcable ee Kootada loogu xidhay Internet-ka Badda hoosteeda mara, Shirkadaha Liisammada wadista Gaadiidka bixiya iyo Buugga Gaadiidka, Wersheddii Korontada ee Hargeysa, kuwaas iyo kuwo kale oo badan oo ku jira gacanta Ganacsato gaar ah.
MADAXWEYNE MUUSE BIIXI CABDI
Xildhibaan Siciid Warsame Ismaaciil (Gaane) oo ah Guddoomiyaha Guddiga Deegaanka iyo Khayraadka Dabeeciga ah ee Golaha Wakiillada Somaliland oo lagu waraystay Barnaamijka Dan-ka-hadal ee ka baxa SOMNEWSTV oo uu Qabto Weriye Cabdifataax Ismaaciil Mursal, waxa uu sheegay in loo baahan yahay in Madaxweynuhu Shirkadahaa Sharciga la waafajiyo, si wax sharci ahi u soo baxay, waxaanu ugu hambalyeeyey go’aanka uu Madaxweyne Muuse Biixi gacanta dawladda ugu soo celiyey Haamihii Kaydka Shidaalka Qaranka ee magaalada Berbera iyo Shirkado hayey ammaanka iyo Barxadda Baabuurta la dhigto ee Garoonka Diyaaradaha Cigaal ee magaalada Hargeysa.
Haddaba, Waraysigan Barnaamijka Dan-ka-hadal lagula yeeshay Xildhibaan Siciid Gaane oo dhinacyo badan taabanaya, Xogo cusub-na uu ku iftiimiyey, Baaq iyo talo-na ugu diray Madaxweynaha Somaliland, waxaannu idiinku soo gudbinaynaa Muuqaalkan hoose ee Daawasho wacan oo wanaagsan:-
Berberatoday.com