|
|
Hargeysa(Berberatoday.com)-Xildhibaan Khadar Cabdi Ismaaciil oo ka tirsan xildhibaanada deegaanka soomaalida Itoobiya ayaa ka hadlay waxa uu noqon doono mustaqbalka madaxweynihii hore Cabdi Maxamuud Cumar.
Xildhibaan Khadar oo u waramay VOA ayaa soo bandhigay cida go’aanka ka gaadhaysa mustaqbalka madaxweynihii hore oo loo tirinayo inuu gaystay tacadiyo fara badan.
Xildhibaan Khadar oo arimahaas ka hadlaya ayaa waxa uu yidhi “Madaxweynihii hore hada xaalada uu ku sugan yahay waa mid fiican sidii aanu hore u sheegnay wax dhib ahna ma qabo, xaalkiisuna waxa uu noqon doonaa waxa ay xukuumada cusub ee dawlada deegaanka, wax garadka, odayaasha iyo xukuumada federaalka ahi ay si dhakhso ah u dhamayn doonaan oo aanu rajaynayno inay si is afgarad ah ku dhamaan doonaan.”
Berberatoday.com