|
|
Hargeysa(Berberatoday.com)-Cilmi baadhis cusub oo dhawaan la daah furay ayaa waxa lagu xaqiijiyay in dadka sida degan u nool inta ay soo jeedaan ay ka riyooyin wanaagsan yihiin kuwa buuqa badan xilliga ay soo jeedaan, arrintaasi ayaa waxay saamayn ku leedahay caafimaadka Maskaxda qofka.
Cilmi baadhistan ayaa waxa daah furay cilmi baadhayaal ka tirsan Jaamacada Torco ee Dalka Canada waxaanay natiijadii ka soo baxday badhitaankoodaasi ku soo bandhigeen Dawrada Cilmiga ah ee Scientific Reports ee ka faaloota arrimaha Cilmiga ah.
Haddaba, khubarada ayaa si ay u ogaadaan xidhiidhka ka dhexeeya Riyooyinka qofka ee ka tarjumaya Caafimaadka maskaxdiisa iyo deganaashaha nololeed waxay baadhitaano ku sameeyeen dad tiro badan oo ay muddo saddex toddobaad ah la socdeen qaabka ay u nool yihiin.
Natiijadii ugu dambaysay ay heleena waxay noqotay in dadka ku nool deganaasho xilliga ay soo jeedaan ay ka riyooyin wanaagsan yihiin kuwa noloshooda uu buuqa iyo wareerku ku badan yahay isla markaana caafimaadka Maskaxdoodu uu yahay mid aad u wanaagsan sidoo kalena ay yihiin dad caqligoodu uu saliim yahay.
Berberatoday.com