Qarax Ismiidaamina Oo Ka Dhacay Xarunta Maamulka Degmada Hawl Wadaag Ee Muqdisho Iyo Khasaare Dhimasho, Dhaawac Iyo Burbur Hantiyeeda oo Ka Dhashay
September 2, 2018 - Written by Berbera Today
Muqdisho(Berberatoday.com0-Wararka ka imaanaya magaalada Muqdisho waxay sheegayaan in goor dhoweyd weerar loo adeegsaday gaari lagu soo raray waxyaabaha qarxa lagu qaaday xarunta maamulka ee degmada Hawlwadaag.
Wararku waxay sheegayaan in uu jiro khasaare mood iyo noolba leh.
Afhayeenka maamulka gobolka Banaadir, Saalax Dheere, wuxuu BBC u sheegay in 3 askari oo ka tirsan ciidanka amaanka ee xarunta degmada ay halkaa ku dhinteen.
Gaadiidka gurmadka degdegga ah ayaa BBC u xaqiijiyey in ay qaadeen meydka hal qof iyo dhaawaca 14 qof, kuwaasoo 6 ka mid ah ay carruur ahaayeen.