”Sanadkaas Inoo Curtay Waxa Loo Kala Baxayaa Somaliland-Der Iyo Somaliland-Der Diid..” Wasiir Warfaafinta Cabdiraxmaan Guribarwaaqo
January 14, 2019 - Written by admin
Hargeysa(Berberatoday.com)-Xukuumada somaliland ayaa shaacisay in la bilaabi doono qorshe adag oo lagaga soo horjeedo cid kasta oo ku xidhan dawlada soomaaliya isla markaana ku sugan gudaha somaliland.
Wasiirka warfaafinta dhaqanka iyo wacyi gelinta somaliland Cabdiraxmaan Cabdilaahi Faarax oo maanta la hadlay warbaahinta ayaa sheegay in xukuumadu qaadayso talaabooyin ka dhan ah dadka soomaaliya ku xidhan, waxaanu shaaciyey laba aragtiyood oo dadka loo kala saari doono, waxaanu yidhi “Cid kasta oo ku xidhan Xamar dawladu way ogtahay, sanadkaa maanta ah ee inoo curtay waxa loo kala baxayaa somaliland-der iyo somalilander-diid.”