Dowladda Imaaraadka Oo War Xasaasiya Ka Soo Saartay Dilkii Mareeyihii Dekeda Basaaso Paul Anthony,
February 10, 2019 - Written by Berbera Today
Boosaaso(Berberatoday.com)-Dowladda Imaaraadka Carabta ayaa sheegtay inay si kulul u cambaaraynayaan weerarkii isbuucii hore lagu dilay Paul Anthony Formosa oo ahaa Maareeyihii shirkadda P&O ee dekada Boosaso ee Maamul-gobaleedka Puntland.
Hadal-qoraal oo ka soo baxay Wasaaradda Arrimaha Dibedda iyo Iskaashiga Caalamiga ee dalka Imaaraadka Carabta ayaa lagu sheegay inay la xidhiidhi jireen Hay’adda P & O Ports ee hoostagta Shirkadda DP World, una gudbiyeen Tacsida geeridii Paul Anthony Formosa oo u dhashay dalka Malta.