Muqdisho(Berberatoday.com)-Qarax ayaa goor dhaw ka dhacay goob maxaaqi ah oo laga cuteeyo degmada Waabari ee gobolka Banaadir gaar ahaan agagaarka saldhiga degmada magaalada muqdisho , waxaana uu qaraxani noqonayaa kii labaad oo isla maanta ka dhaca magaalada Muqdisho.

Waxaa la maqlayaa dhawaqa gaadiidka gurmadka deg deg ah oo goobta ka qaadaya dadka ay walxaha qaraxa ka soo gaartay.

Barqo-nimadii saaka  ayeey aheyd markii qarax uu ka dhacay ilinka hore ee hotelka Mubaarak ee Waddada Maka Al-Mukarma, kaddib markii uu qarxay gaari goobta yaalay.