Doha(Berberatoday.com)- weynaa Jamaal Soofe Yaasiin (Jamaal Gadari) Ilaahay ha u naxariisto. Xalay buu geeriyooday isaga oo ay da’diisu tahay 48 jir keliya.

Jamaal taariikhda kubadda cagta wax uu ku lahaa magac iyo maamuus weyn. Qaybtii dambe ee 1980-nadii ilaa qaybtii hore 1990-nadii qaaradda Aasiya iyo dunidaba wax uu ka ahaa xiddig magaciisu faafay. Wax uu ahaa reer Burco wax ay se reerkoodu isaga oo carruur ah u guureen dalka Gadar dalkaas oo uu magaciisa u ciyaari jiray. Dalkiisa cusub wax uu u soo hooyay guulo badan, sida Koobkii Khaliijka oo uu u qaaday 1992. Sidoo kale dalkiisa wax uu geeyay Olombigii Barcelona 1992. Sannado badan wax uu ahaa gooldhaliyaha u gu horreeya Gadar, wax uuna u haystay goolasha u gu badan isreebreebka Koobka Adduunka iyo horyaalka dalalka Khaliijka. Wax uu caan ku ahaa goolasha madaxa la gu dhaliyo isaga oo ahaa nin dheer.