|
|
Sawirkani Waa Cumar Muuse Mire Oo Ah Ninka Kaliya ee Xasuqaas Ka Badbaaday 
Muwaadin taageer in maxkamad caalami ah la soo hortaago debiilayaashii iyagoo gashan shaadhkii dowladii somaliya iyo ciidankii xoogga dalka soomaaliyeed sida waxashnimada ah ugu xasuuqay intay guryahoodii ka soo kiciyeen saq dhexe 17 july 1989 xeebta Jaziira ee magaalada Muqdisjho 46 nin oo isir ahaan ay usoo xusheen . General Ibraahim Cali Barre {Canjeex} wuxuu ku doodayaa in isagu aannu shuqul ku lahayn xasuuqaasi ee uu amarka bixiyay general Maslax Maxamed Siyaad Barre ?..Cumar muuse Mire oo isagu ahaa ninka keliya ee ka badbaaday xasuuqaasi wuxuu bixiyay cadeymo muujinaya cidda ka danbeysay xasuuqaasi ?…30 sano ka dib xasuuqa jaziira waxaa la soo gaadhay xilligii Maalintii cadaaladda iyo in 46 qof ee weli lafahoodii yaallaan xeebta jaziira qoysaskoodii si waafaqsan diinta islaamka ugu aasan lahaayeen , taasoo loo baahanyahay in dadweynaha reer muqdisho ka qayb qaataan . waxaa dadkaasi ku jiray professor , aqoonyahan , ganacsato , farsamayaqoonno sare , iyo odayaal . waxaa ka mid ahaa dadka lagu xasuuqay Xeebta Jaziira afar walaalo ahaa , siddeed ilmaadeer ahaa , iyo qaar is dhalay . Waa in loo diyaargaroobaa xuska maalinta 17 july 2019 oo ay ka soo wareegtay 30 sano maalintii xasuuqa xeebta jaziira ee caalamka oo dhami ka argagaxay waxashnimadii rejiimkii kacaanka ee Siyaad Barre .
Qoraalkan Waxa Warbaahinta Soo Gadhsiiyay Ehelada Dadkii lagu xasuuqay Jaziira
Taswiirtan Hoose Waa Qaar Kamida Dadkii Xasuqaas Lagu Laayay waxa kujira afar walaalo ah oo kasoo jeeda Gobolka Saaxil oo mid Aroos ahaa habeenka lala baxay ee La Khaarajiyay waa Jariimad aan qalbiyada Shacabka somaliland Ka Bixi doonin hadii ay kasoo wareegayso kumaanan Sanadood.
