Hargeysa(Berberatoday.com)-Garyaqaan Mubaarik Cabdi Ismaaciil oo Xubin ka ah Xarunta madaxa-bannaan ee Xuquuqda Aadamaha Somaliland, ayaa ugu baaqay Masuuliyiinta iyo Tifaftirayaasha TV-yada madaxa-bannaan ee Somaliland ka hawlgalaa inay Dacwad ka dhan ah Wasiirka Warfaafinta Maxamed Muuse Diirye u gudbiyaan Maxkamadda Sare, ka dib markii uu Amar faaf-reeb iyo cabbudhin ah ku soo rogay TV-yada.

Garyaqaan Mubaarik oo maanta Hargeysa ugu warramay Baddacas24TV, ayaa sheegay in go’aanka amma amarka Wasiirku aanu ahayn mid sharci ah, balse uu yahay mid ka hor-imanaya Xeerka Saxaafadda iyo Xeerarka kale ee Dalka, sidaa awgeedna loo baahan yahay inay Racfaan u qaataan Maxkamadda Sare, si ay u buriyaan go’aankaas lagu cabbudhinayo xorriyaddooda, iyaga oo sharciyadda dalka iyo ta caalamiga ah ee Warbaahinta cuskanaya.